Opptaket 2026
Søknadsfristen til studiar på Lokførarskulen gjekk ut 1. mars, og interessa for lokomotivførarfaget er framleis stor. I alt fekk vi 1398 søknader – langt fleire enn dei 120 studieplassane vi har å tilby. Og Lokomotivførarutdanninga er framleis det aller mest populære studiet hos Samordna opptak.
Foto: Rune FossumFor alle fagskular
I 2026 er det totalt 16 441 søkara til høgare yrkesfaglige utdanninger i det samordna opptaket, opp mot totalt 14 806 planlagte studieplasser. Søknadane fordeler seg på 487 ulike studiar.
Det er einskilde utdanningar i det samordna fagskoleopptaket som peikar seg ut med svært mange førstevalssøkjarar. Lokomotivførarutdanninga på deltid (nett- og samlingsbasert variant) ved Norsk fagskole for lokomotivførere har heile 22,4 førstevalssøkjarar per planlagde studieplass. Det nye studiet Innsatsleiar ved Fagskolen Viken har nest høgast konkurranse, med 9,3 førstevalssøkjarar per studieplass.
Lokomotivførarutdanninga på heiltid (stadbunden variant) er òg eit studium med høg konkurranse i 2026, med 8,4 førstevalssøkjarar per plass. Deretter følgjer studiet Brann, redning og samfunnstryggleik med oppstart om hausten ved Brann- og redningsskolen, med 7,7 førstevalssøkjarar per studieplass.
Mange søknader på kort tid
Samordna opptak var ope frå 1. februar til 1. mars. I løpet av denne perioden kom det inn heile 1398 søknader til Lokførarskulen. Det er noko færre enn rekordåret 2024, då talet var oppe i 1513, men framleis svært høgt til årets 120 plasser.
Vi er stolte av å tilby ei utdanning mange ønskjer seg, og glade for å vere med på å styrkje rekrutteringa til lokføraryrket.
| Tal | 2019 | 2020 | 2021 | 2022 | 2023 | 2024 | 2025 | 2026 |
| Søkarar | 620 | 998 | 1162 | 1298 | 1507 | 1513 | 1282 | 1398 |
| Kvalifiserte søkarar | 387 | 717 | 907 | 1002 | 1099 | 1270 | 1044 | 1187 |
| Kvinnelege søkarar | 55 | 115 | 131 | 185 | 273 | 335 | 177 | 179 |
| Kvalifiserte kvinnelege søkarar | 29 | 49 | 80 | 106 | 103 | 252 | 135 | 139 |
Gjennomsnittsalderen hos søkarane ligg framleis rundt 32 år. Som tidlegare, ønskjer Lokførarskulen fleire kvinnelege søkarar velkomne.
Dei kvalifiserte søkarane blir rangerte etter faste kriterium. Dei med høgast poengsum blir kalla inn til helsetestar før dei får tilbod om studie plass.
Kvar kjem søkarane frå?
Lokførarskulen utdannar lokomotivførarar til heile landet. Søkarane kjem frå mange ulike delar av Noreg.
| Stad i landet | 2019 | 2020 | 2021 | 2022 | 2023 | 2024 | 2025 | 2026 |
| Austlandet | 71 % | 67 % | 67,5 % | 66,7 % | 63,6 % | 66,8 % | 68,8 % | 69,4 % |
| Vestlandet | 13 % | 16 % | 15 % | 13,7 % | 13,7 % | 13,6 % | 11,8 % | 13,3 % |
| Midt-Noreg | 7 % | 8 % | 8 % | 9,1 % | 10 % | 10,5 % | 8,9 % | 8,7 % |
| Nord-Noreg | 5 % | 5 % | 5,5 % | 6,6 % | 5,8 % | 4,3 % | 5,7 % | 4,1 % |
| Sør-Noreg | 4 % | 3 % | 4 % | 3,9 % | 3,8 % | 4,8 % | 4,8 % | 3,9 % |
Foto: MaDaSlik er opptaket i 2026
Jernbanedirektoratet har gitt skulen i oppdrag å ta opp 120 studentar i 2026.
- Kull 1 startar 10. august 2026
- Kull 2 startar 12. oktober 2026
- Kull 3 startar januar 2027. Dette er til eit nett- og samlingsbasert studium.
- Kull 4 og 5 startar vårsemesteret 2027
Desse studentane vil vere ferdige med utdanninga hausten 2027 og våren 2028.
Viktig frist
Dei kvalifiserte søkarane blir rangert ut frå faste kriterier. Deretter kallar vi dei med høgast poengsum inn til helsetestar. Dei som får godkjent på desse, får tilbod om plass.
Alle søkarar får beskjed frå Samordna opptak om dei har fått plass eller ikkje innan 25. mai. Svaret får du i søknaden din. Da er det viktig at dei som har fått plass, svarer innan 31.mai.
Les meir om opptaksreglane hos Samordna opptak her.
Foto: André Gustavsen
